Պետական գույքի կառավարման կոմիտե
ՀՀ ՏԿԵՆ պետական գույքի կառավարման կոմիտեի նախագահ Առնակ Ավետիսյանը հունվարի 24-ին աշխատանքային այց է կատարել «Վնասվածքաբանության և օրթոպեդիայի գիտական կենտրոն» ՓԲԸ։
Կոմիտեի նախագահը ընկերության տնօրենի ուղեկցությամբ շրջայց է կատարել տարածքում և ծանոթացել ենթակառուցվածքներին։
Շրջայցից հետո տեղի է ունեցել «Վնասվածքաբանության և օրթոպեդիայի գիտական կենտրոն» ՓԲԸ-ի բաժնետերերի արտահերթ ժողովը, որի ընթացքում քննարկվել են ընկերության 2022 թ. եկամուտների և ծախսերի նախահաշվի հաստատմանը, ընկերության հաստիքացուցակին, վարչակազմակերպական կառուցվածքին վերաբերող հարցեր։
«Վնասվածքաբանության և օրթոպեդիայի գիտական կենտրոն» ՓԲԸ-ն «Պետական գույքի մասնավորեցման 2017-2020 թվականների ծրագրի մասին» ՀՀ օրենքի ցանկում ընդգրկվել է 2017 թ. հուլիսից։ Ընկերության՝ պետությանը սեփականության իրավունքով պատկանող 100 տոկոս բաժնետոմսերի կառավարման լիազոր մարմինը Պետական գույքի կառավարման կոմիտեն է։
2020-21 թթ. «Վնասվածքաբանության և օրթոպեդիայի գիտական կենտրոն» ՓԲԸ-ն վերապրոֆիլավորվել և օգտագործվել է կորոնավիրուսով վարակվածների բուժման նպատակով։
